بس لو أقدر أطير ،
في الكون هذا الكبير …
كان أطير للقمر ،
والتقيه فوق البحر …
غربه وقبل السّحر ،
كان قررت السفر …
أوصل اليه ، وأمسك يديه ،
واكلمه وأسلم عليه …
وأمسح بكفي دمعته ،
يا كحل عينه لا تسيل …
ويا رمش جفنه لا تميل ،
وأقول ، كيفك يا قمر …
واقول له هذا حرام ،
تجلس لوحدك ما يصير …
في الكون هذا الكبير ،
وأقول يالله يا قمر …
لازم تروح ، تمشي معي ،
نمشي سوا …
صوب البعيد ،
يسمعك قلبي ومسمعي …
مهما تقول ومهما تعيد ،
بالكون هذا الوحيد …
انت الوحيد ، وأنا الوحيد ،
وانت بقلبي الوحيد …
واحذر تقول بس الظروف ،
تمنعك ويمنعك الكسوف …
ولاّ عتب ، غيره وخوف ،
من غيمه ولاّ من طيوف …
شوف النجوم حولك تدور ،
تقلدك شكلٍ ونور …
وانت الأصل وانت الفصل ،
وانت النظّر، شكلك بحر …
انت الجمال وانت المنى ،
مالك مثال ، لا عندنا …
وأنتَ وأنا ، بس ياقمر ،
نمشي سوا صوب البعيد …
صوب البعيد … صوب البعيد …
يا قمري البعيد …
ويا حلمي القديم …
ويا همّي الجديد …
(من ديوان : ترقص الحيّه والطّائر يغني)